SA totoong buhay, hindi madalas i-apply ni Comedy Queen Ai Ai delas Alas ang role niya bilang yaya sa pelikulang “Our Mighty Yaya” sa kasintahang si Gerald Sibayan.
“‘Pag naglalambing lang siya, saka ako nagiging yaya sa kanya. Si Gerald kasi, millennial ‘yan, eh. Hindi siya ‘yung alagain. Ano lang, chill-chill lang siya,” katuwiran niya.
“At saka kasi, sanay ‘yan na nabuhay na mag-isa, kasi national team ‘yan, eh. So, bata pa lang sila nando’n na sila sa isang square sa Rizal, ‘yon ‘yung buhay nila – magba-badminton, papasok sa loob, mag-aaral. So, sanay siya ng ganu’ng buhay, hindi siya alagain,” dagdag pa ni Ai Ai.
Pero kung may times daw na inaalagaan niya si Gerald, hindi raw naman naiilang ang boyfriend.
“Hindi siya naiilang. Gusto niya ‘yon kasi, kumbaga, hindi naman siya sanay nang ganu’n, kaya nu’ng nakaramdam siya, nasarapan siya,” natatawang sey ni Ai Ai.
Showing ang “Our Mighty Yaya” ng Regal Entertainment sa May 10. Kasama ni Ai Ai sa pelikula sina Megan Young, Beverly Salviejo, Zoren Legaspi, Sofia Andres at marami pang iba. Sa direksyon ito ni Jose Javier Reyes.
