Agawan sa Ari-Arian ng mga Magulang

Dear Atty. Acosta,

KAMI PO ay anim na magkakapatid at patay na po ang tatlo. Ang bunso po naming magkakapatid ay seaman at sa madaling salita, may pera. Pinabago niya ang bahay ng aming mga magulang.

Patay na po ang aming ama at magtatatlong taon na pong namamatay ang aming ina, nasa kanya po ang orihinal na titulo at ang xerox copy ay nasa amin ng ate ko. Ang ate po namin ay may asawa na po at doon nakatira sa asawa niya at ang bunso ay may asawa na rin at siyam na anak. At ako po ay wala pang asawa, minsan po nag-away kami at gusto niya akong palayasin sa bahay dahil siya raw ang nagpagawa. Tama po ba siya roon? Paano po ba ang hatian sa mana? Sino po ang masusunod sa aming dalawa, ang bunso na may pera o ang nakatatanda na walang pera?

Gusto ko po sanang mahati sa tamang hatian para ako na po ang magbabayad ng amilyar sa lupa at para maging legal.  Papaano po ang sinasabi niyang bahay, papaano ang mangyayari sa amin? Magiging kanya po ba ang buong bahay na iyon? Hanggang dito na lang po ang aking liham at sana mabigyan ninyo ng kasagutan.

Lubos na gumagalang,

Rey

Dear Rey,

ANG LAHAT ng anak ay may pantay-pantay na karapatan sa mga iniwang ari-arian ng kanilang namayapa nang mga magulang. Kung walang iniwang huling habilin ang inyong magulang, hindi kayo o sinuman sa mga kapatid ninyo ang masusunod tungkol sa hatian ng ari-arian, ang batas ang nagtatakda ng tamang paraan ng hatian sa mga ganitong pagkakataon.

Ayon sa batas, ang mga lehitimong anak ay magmamana sa kanilang mga magulang nang pantay at walang pagkakaiba base sa edad o kasarian ng mga ito. (Art. 978, Civil Code of the Philippines) Samakatuwid, pare-pareho ang makukuha ninyong magkakapatid. Nais din naming ipaalam sa inyo na kahit namatay na ang inyong ibang mga kapatid, sila ay may karapatan pa ring magmana sa inyong mga magulang sa pamamagitan ng kanilang mga anak, kung mayroon man. Kung wala naman silang naiwang anak, paghahati-hatian ninyong tatlo nang pantay ang mga bahagi na dapat ay sa kanila. (Art. 1018, Civil Code of the Philippines)

Bago mahati ang ari-arian na naiwan ng inyong mga magulang, tinuturing na pag-aari ninyong magkakapatid ang nabanggit na ari-arian. (Art. 1078, Civil Code of the Philippines) Samakatuwid, walang isa man sa inyo ang maaaring mag-angkin ng isang partikular na bahagi dahil nga ito ay hindi pa napapartisyon. Bilang tagapagmana, mayroon kayong karapatan na hilingin ang pagpapartisyon ng ari-arian ng inyong magulang upang mahati na ito at malaman na ninyo kung kanino mapupunta ang bahagi ng ari-arian na naiwan ng inyong magulang (Art. 1083, Civil Code of the Philippines).

Dahil na rin kayo ay isa sa nagmamay-ari ng lupa kung saan nakatayo ang bahay na ipinagawa ng inyong kapatid, hindi kayo maaaring paalisin ng inyong kapatid. Kung kayong mga tagapagmana ay makapag-uusap at magkakasundo sa hatian ng lupa, hindi na ninyo kinakailangan pang pumunta sa husgado upang hatiin ang lupa. Kung posible, maaari na lamang ninyong italaga ang bahagi ng lupa kung saan nakatayo ang bahay na siyang parte na mapupunta sa inyong bunsong kapatid. Kung maliit lamang ang lupa at hindi ito praktikal na hatiin, maaari na lamang ninyong ibenta ito kasama ang bahay at paghati-hatian ang pinagbentahan pagkatapos ibawas ang nagastos ng inyong kapatid sa pagpapagawa ng bahay. Subalit kung hindi kayo magkasundo, kinakailangan nang dalhin ang usapin sa husgado upang ito na ang magdesisyon kung paano hahatiin ang nasabing lupa.

Nais naming ipaalala sa inyo na ang opinyon na ito ay nakabase sa inyong mga naisalaysay sa inyong liham at sa pagkakaintindi namin dito. Maaaring maiba ang opinyon kung mayroong ibang mai-dagdag.

Atorni First
By Atty. Persida Acosta

Related Post

loading...

42 thoughts on “Agawan sa Ari-Arian ng mga Magulang

  1. Good morning po attorney! hihingi lang po ng advise tungkol sa property na naiwan ng ama namin na pumanaw na. Ang property po ay conjugal nila ng mama q na naunang pumanaw. Nagasawa po ulit ang tatay namin at nakalagay po sa titulo na married to sa bagong asawa nya. ikinasal sila ng 1996. panu po magiging hatian namin dun?
    Nakasanla rin po pala ang property. Sakaling matubos ng second wife nya pwede nya ba ipatitulo yun sa pangalan nya ng hindi kami nakokonsulta? Maraming slamat po.

  2. nais ko lamang pong itanung kung anu po ang habol ko sa lupa na tinitirhan ko nanasa pangalan ng aking kapatid ngunit ang bahay po ay sa aming mga magulang na ako na po ang nag paayus at ang lupa po na ito ay nakasanla na ako din po ang tumubos,ngayun po ito pong lupa at bahay ay kanilang binebenta nais ko po lamang na maibalik sa akin ang aking mga nagastos,sa pagtubos ng lupa at pagpapaayos ng bahay.salamat po.

  3. Dear atty acosta,
    Nais ko lang po sanang itanong ,ang cnjugal paperty po namin ay gustong ibenta ni papa ,kasalukuyan po kaming magkakapatid naninirahan sa bahay na ito kasama ang aking ina ,buhay papo ang aking mga magulang pero seperated po sila legal po ang kasal nila ,sa ngayon may iba ng pamilya ang papa ko ,gusto kasi ng papa ko ang katian nila ng mama ko ang 50-50 dahil ang mama ko ay nagkaruon ng problema sa pag iisip ,simula noong magkasama pa sila ng papa ko,lahat po ng ibeninta na ni papa na lupain ,ay hindi nya si mama binigyan ng parte sa halip po pinabayaan ng aking ama,sa ngayon po kami ang taga pangalaga kay mama ngayon,at ang sabi ng ama namin ang parti po nya ay wala naraw kaming habol dahil ipapangalan daw po nya sa pangalawa nyang kinakasama. May karapatan po ba kaming magkapatid na tumutol sa kagustuhan ni papa ibenta ang cojugal property na ito kahit na dito po kami nakatira ng mama ko?

    Gumagalang
    Thess sualog

  4. Hello po Ma’am ako nga po pala si FLORENTINO LUCAS TOLENTINO 21 years Old.
    Nais ko lamang po Malaman ang mga karapatan ko bilang Bunso sa aming magkapatid.
    Patay na po ang aking mga Magulang, almost 16 years na po. Ngunit may naiwan po siyang bahay. Pangalawang asawa po ang aking Ina ng aking ama. Ang bahay ay pinatayo umano ng aking Ama sa kagustuhan ng aking Ina. Ngayon po ang nakatira na doon ay ang asawa ng anak ng Papa namin sa nauna nyang asawa. Hindi ko pa po alam ang mga karapatan ko noon ukol dito. Dahil 5 taon pa lamang ako. Ngayon po ay Ninanais ko po sana mabigyan ng linaw ito. Sana po ay matulungan niyo ako.

  5. Dear atty.acosta,
    Magandang araw po gusto ko lang po magtanong about sa paghati ng bahay na naiwan ng aming mga magulang.patay na po pareho ang mga magulang namin.lima po kameng magkakapatid.sa bahay na naiwan ng aming mga magulang ay kalahati na po ang tinitirahan ng aking kapatid na pangatlo samin.ang kalahati po ng bahay ay ginawang paupahan ng aming magulang yung nahubuhay pa sila.tanong lang po may hati pa po ba kaming dapat ibigay sa kua ko sa natatanggap naming upa na 2000 kada buwan.at tanong din po may karapatan po bang makealam ang asawa ng kua ko sa paupahan namin.ang kuya ko pong tinutukoy ay ung nakatira sa kahati ng bahay ng aming mga magulang na naiwan..umaasa po ako sa inyong pagtugon.maraming salamat po..

    Lubos na gumagalang,
    Mhia

    Reply

  6. Dear atty.acosta,
    Magandang araw po gusto ko lang po magtanong about sa paghati ng bahay na naiwan ng aming mga magulang.patay na po pareho ang mga magulang namin.lima po kameng magkakapatid.sa bahay na naiwan ng aming mga magulang ay kalahati na po ang tinitirahan ng aking kapatid na pangatlo samin.ang kalahati po ng bahay ay ginawang paupahan ng aming magulang yung nahubuhay pa sila.tanong lang po may hati pa po ba kaming dapat ibigay sa kua ko sa natatanggap naming upa na 2000 kada buwan.at tanong din po may karapatan po bang makealam ang asawa ng kua ko sa paupahan namin.maraming salamat po.

  7. Atty gusto ko lang po sanang malaman kung ano po ba ang pinaka maganda Kong gawin? Patay na po ang aking ama at may naiwan mo ang kanyang mga magulang na ariarian Lara sa kanilang magkakapatid. Dalawa po lang po kami anak ng ama ko at ako po ang panganay ang problema po at ang kanyang mga kapatid inaalisan po nila kami ng karapatan Lara makuha ang dapat para sa amin. Ano po ba ang dapat Kong gawin? Salamat po

  8. Dear ate acosta
    Gusto ko lang po malaman kong ano karapatan namin sa aming ama.
    Kasi may kabit po sya tapos sabi ng kabit niya wala daw kaming karapatan sa pag aari nilang lupa eh ung lupang yun ay mana ng aming ama sa kanyang ina at ama.
    Ang akin lang pu gusto ko lang malaman kung wala ba talaga kaming karapatan.
    Yan lang po maraming salamat..

  9. Dear ate acosta
    Gusto ko lang po malaman kong ano karapatan namin sa aming ama.
    Kasi may kabit po sya tapos sabi ng kabit niya wala daw kaming karapatan sa pag aari nilang lupa eh ung lupang yun ay mana ng aming ama sa kanyang ina at ama.
    Ang akin lang pu gusto ko lang malaman kung wala ba talaga kaming karapatan.
    Yan lang po maraming salamat..

  10. Dear Atty.Acosta
    Dto po ako sa abroad nakabili po ako ng lupa,at sasakyan sa deeds of sale pangalan lang nya ang nakalagay doon at perma pwede ba nyang angkinin yon lahat dahil hindi nakalagay pangalan ko?
    Nanghingi ako ng kopya at tinanong ko bakit pangalan lang nya sabi nya kc daw kelangan pa perma ko eh dto ako abroad? Ty po.

  11. Dear atty.acosta

    Magandang tanghali po sa inyo.pwede ba nyo akong payuhan tungkol sa aming magkapatid?Gusto ko lang po kasing malaman kung may habol po kami sa naiwang lupa ng aming ama, sampo kaming magkakapatid,ngunit apat na lamang po kami.Isang panganay na babae na kasal at may pitong anak,tatlong lalake na isa po ako duon.ang dalawa po ay may asawa narin po.ako po ay pangalawang bunso.Ngunit ang aming bunso ay di lumaki sa aking ama bagkus lumaki ito sa aming ina na hiwalay sa aking ama.Ang aking ama ay may disisyon para sakin na pwede ko po nuon isangla para po maka pag abroad po ako.ngunit ayoko po.Sa pagdating po ng mahabang panahon..nagkasakit po ang aming ama,samantalang ang aming ina ay pumanaw na.Ang aming panganay na babae na may asawa’t anak ay tumira din sa aking ama na kasama ko po sa iisang bahay ng aming ama.Nag disisyon po ito na ibenta po ang lupa na may titulo po,ngunit ang sabi ng aking ama na sabihin po raw sakin,”IBIG SABIHIN PO NASAKIN PO ANG DISISYON.”kaya po walang dalawang isip nag disisyon na po ako na ibenta dahil hirap na po ang aming ama.Naibenta po namin ito para sa paggagamot ng aming ama,ngunit pumanaw din po sya.Ang na bentahang lupa ay may halagang 250k na may swap bahay na may halagang 250k din po.Sa 250k cash po ay napaghatian po naming apat na magkakapatid.Ngayon po sa bagong bahay po namin ay magkasama po kami ng aking panganay na babae.Sa haba ng panahon na pagsasama po namin di na po kame magkasundo.Dahil po sa pagangat ng aking ate nabayaran nya po ang aming kapatid na bunso.Ngayon tatlo nala mang po kame ang maghahati sa lupang pinagtayuan.Marami na pong nagastos ang aming ate sa bahay,kahit din po ako.
    Ang tanong ko po may karapatan pa po ba ang aming panganay na na babae sa lupang aming pinagtatayuan?

    Sana po ay nabigyan nyo ng pansin ang aking liham..
    Gumagalang
    Ronnie,

  12. Dear Atty. Acosta,

    Ang step father ko po ay may naipundar na apartment na 12 pinto sa kanyang pagtatrabaho nung po sya ay isang U.S navy pa.Ang titulo po ng kanyang property ay nakapangalan sa asawa nyang isa na ngayong U.S citizen..Ang iba po nyang ariarian at bank account ay nasa asawa nya na nasa amerika.Mula nung po sya maistroke ang step father ko po ay nagdesisyon na umuwi dito sa Pilipinas,subalit walang dala kahit ano mang pera para sa kanyang pagpapagamot pinabayaan po ba sya ng kanyang asawa..ilang taon na po silang hiwalay at wala na pong contact sa isat isa.Ang step father ko po ay gumawa ng isang last will and testament dahil ang kanya pong ariaian ay gustong angkinin ng mga kapatid nyang ganid dahil kahit po nabubuhay pa sya ay pinapatay na..Sa last will and testament po ay inilagay nya ang panganay nya panganay nyang anak at ang taong nagsilbi sa kanya sa loob ng mahabang panahon na sya ay nastroke.Ang tanong ko po,ang last will testament po ba ay may bisa kahit ang titulo ng kanyang ariarian ay nakapangalan sa dati nyang asawa na U.S citizen na po ngaun?Ang titulo po ay nasa kapatid nya at ito ang nagtatago dahil meron po silang utang ngunit hindi kalakihan.Kung sakali po bang matubos ang titulo maari po bang ipabago ang titulo at sa step father ko po ipapangalan.nawa’y matulungan nyo po kami sa sitwasyong ito..Maraming salamat po..hinhintayin ko po ang inyong pagtugon..

  13. Good evening po Atty acosta.,
    6 po kmi mgkakapatid, patay na po parents ko, Jung buhay pa cla ako LNG ksama ng parents ko sa bahay, nung nasunugan kmi ako ngpagawa ng bahay, halos lahat ng laman ng bahay at sakin, at ngpatayo ako ng paupahan sa taas nmin ng 4 rooms 2thousand ang rent per room, then ngyn na patay na parents ko gsto ngyn ng iba Kong kapatid na bgyan ko cla ng part ng upa,, ano po bang legal Atty. Help po salamat

  14. Good evening Atty Acosta.
    Patay na po mga mga magulang ko 6 kmi mgkakapatid, ako lng ksama ng mga magulang ko ko sa bahay ung iba my asawa nung buhay pa parents ko nasunugan km

  15. Dear atty. Acosta,
    Good day po. Gusto ko Lang maliwanagan ang pagbabanta po ng kapatid ko na kakasuhan po ako ng harassment dahil pumunta po ako sa bahay ng aming magulang na namatay na po 1yr. Ago. Pinag usapan po naming magkakapatid na ibigay po sa akin ang isang gamit. Pinuntahan ko po ito para kunin pero tumanggi na po Yong kapatid ko dahil ang sabi nya di naman daw sya pumayag sa pinag usapan kaya nagkasagutan po kami. Siya na po ang tumira doon sa bahay ng magulang namin na walang pahintulot po sa ibang kapatid. Kaya pinatawag ko na lang po siya sa barangay para pag usapan po kung ano ang tama pero hindi po sya sumipot. Ang sabi nya pag pinagpatuloy ko daw ito magsasampa daw siya ng kaso sa akin na harassment para daw maalis ako sa trabaho ko dahil na trauma daw ang mga anak niya. May basehan po ba sya na kasuhan ako atty.? Ang usapan po babayaran nya ako noong disyembre pero hindi rin po nangyari yon. Ano po ang gagawin ko?

  16. Dear atty.
    Or anyone who could answer my question. Ty
    Gusto ko lang po sana itanong kung may habol pa po ba ang mga kapatid ng nanay ko sa lupa namin, kung ang rights nito ay nakapangalan na sa kanya at sya na rin ang nagbayad ng mga dapat bayaran sa lupa. Buhay pa po ang tatay ng nanay ko. Sana po ay masagot ang tanong ko po hinaharass po kase ang magulang kong may sakit.

  17. Magandang araw po. Gusto ko lang po malaman kung puede pamanahan ang apo valid po ba ang last will na ginawa ng nanay ko bigyan nya ng mana ang kanyang apo. At alin po ba ang valid na last will yung nauna o yung huli ksi po me 2 last will and testament na nagawa ang nanay ko ang una po binibigyan nya ang pamangkin ko ng mana na mas malaki kesa sa mga anak. Pero meron din po nagawa na last will na sa mga anak lang ibinigay ang lahat ng lupa naiwan. Alin po ba ang valid dun. Sana po matulungan nyo ako. Madaming salamat po.

  18. Gud am po..gusto q lng po malaman qng anung pwede nmin gawin…
    Patay npo ung tatay at nanay ng asawa q. ung 3 kapatid s ama ng asawa q kailangan po ng pirma nila para bayaran dw po ung arrears ng lupa ndi p po titulado ung lupa…ung asawa q po ung bunsong anak..kya lng po ayaw po pumirma ng mga kapatid s ama ng asawa q n mga nakatira n s abroad mas gusto p rw nila m elite ung lupa kesa mapunta s bunsong kapatid nila..anu po b ang pwede nming gawin n karapatan para mapa s amin ung lupa ska po pg patay n po b ung prinsipal ng lupa fully paid npo b un? Maraming salamat po..

  19. Magandang hapon po atty. Patay napo ang aming magulang 1987 ng lumipat kmi ng bahay na may tindahan para may pagkakitaan ang aking magulang naiwan po sa aming tunay na bahay ang ate ko na bagong kasal sa makatuwid Doon na sya nagkapamilya at apat na anak Nasa 30 taon na sila nkinabang sa bahay ng nagkasakit ang aming in gusto na niyang bumalik sa bahay kasama kmi ng mga anak ko dahil kmi ay naupa lamang ngunit pinag damutan siya ng ate ko hanggang siyay namatay, tanong ko po may karapatan din po ba ako sa bahay ng magulang ko?? Ayaw po umalis o makihati Ng ate ko ano po ang dapat Kong gawin Sana ay mapayuhan nyo ako salamat po

  20. May naiwang bahay at hindi tituladong lupa ang magulang naming namayapa na. Ngunit I to ay palagiang pinapaayos ng nakababatang kapatid na babae.
    Sa ngayon dito ako nakatira sa isang pinto. Sa tuwing nagwawala o galit kapatid ko kami at pinapalayas. Ano po ang karapatan ko sa bahay na ito.?

  21. Good day po.gusto ko lang po malaman kung may habol o karapatan po ako sa naiwan na bahay at lupa ng magulang ko..ung titulo po kasi ng bahay namen nakapangalan na sa kapatid ko sa madaling salita inangkin na nya.mag kapatid po kami sa ina.ngayon po pinabakuran na po ang bahay namen at para hindi nako makapasok.kung papasok po ako sa bakuran makakasuhan po ba ako ng trespassing?ngayon po kasi ang nag hahari harian sa bahay nmen ay ang caretaker na kinuha nya.sana po mabigayn nyo ako ng kasagutan.salamat po

  22. Maam putolong po sayo sa mga tanung ko salamat po kung my reply..isa po akung my kapasanan my anak na akung dakawa…at ang parents ko buhay pa sila. yung tinuro lang nila na mana ko sa lupa ay inagaw ng kapatid ko pina title nya fake ang ginamit na perma ng kapatid ko. kaya nagtaka lang ako kung bakit nya pinatuyohan ng bahay nya. Malayo kc ako sakanila kaya nung pinatayo han nya hende ko po alam. Pero sa tabi ko ren ay mayron den lupa nya. May karapatan ba ako na magreklamo sakanya kahit pinapangalan nya ang akin? Maam salamat po.

  23. Good day po Atty. Acosta.
    Binata pa po ako ng naipundar/nabili ang lupa (Rights). (1996 po nabili ang rights) Naiintindihan ko po na sa magulang namin ito mapupunta. Patay na po ang Father ko…Ako po ang panganay at may asawa na.kumuha po ako ng kahoy na gagamitin sa ipinagagawa kong bahay. Inereklamo po ang misis ko ng kapatid kong nakababata at mother ko sa baranggay dahil nagnakaw daw o nagpaputol ng kahoy ang misis ko. Tama po ba ang ginawa nila Atty. 4 na puno nakuha ko na may permiso sa kinauukulan pero ginawa nilang 6 sa reklamo sa baranggay. Sana po ay mapagpagpayuhan nyo ako.

    Salamat po.
    David Buhay

  24. Gud pm po atty. Acosta tanong ko lng po sna kung meron po bang karapatan ang mga apo s pinamana o ibenentang lupa ng kanilang lola’? Kasi po s ama lng po nila npunta lhat ng pinaghatihatiang magkakapatid n npagbentahan ng lupa hindi po manlang nktanggap ang mga apo’! Knino po b dpat mpunta ang mana o kailangan po bang magkaron pamana ang mga apo!?

  25. Tanong ko lang po kahit po ba magkakapatid lang din kami sa ama pero pantaypantay din po ba ang hatian namin?at may mga karapan pi ba kami para umapila sakanila at wala po din naiwan ang tatay namin na pinamana sa unang anak ang lupa ng tatay namin.salamat pi

  26. Magandang araw po Atty. Persida Acosta,

    May nais po akong idulog sa inyo na problema, tungkol po ito sa bahay at lupa namin na nakapangalan sa nanay at tatay ko. Na-acquired po namin ang property since 1993 thru NHMFC sa pamamagitan ng pagtutuwang namin ng tatay ko back then ng maayos pa ang lahat. Usapan lang po naming pamilya ang nangyari na kunin ang property na un at pagtulungan po raw namin ng tatay ko at huwag muna raw akong mag-aral sa kolehiyo. Naka-isang taon pa lang po ako noon sa kolehiyo at nagbigay daan ako sa usapan na un dahil nagtitiwala po ako ng mga panahong iyon sa tatay ko. Lumipas ang maraming taon at samu’t-saring problema ang pinagdaanan namin katulad ng pinansiyal, sa trabaho at lalong lalo na pampamilya. Nang biglang isang araw ng taong 2008 buwan ng Agosto ay nakarating sa akin ang balita na hindi na umuuwi ng bahay ang magaling kong tatay sabi ng aking Nanay at sumakabilang-bahay na lang ni walang pali-paliwanag sa Nanay ko. Nagkalabuan na sila bigla at nagkaroon ng batik ang kanilang relasyon at depensa ng tatay ko ay puro pambabato ng putik ang kaniyang depensa. Taong 2001 sa naalala ko ng bumukod ako sa kanila dahil sa nagkaroon narin ako ng pamilya pero patuloy parin ang suporta ko sa nanay ko pagdating sa pinansyal dahil sa naiintindihan ko ang sitwasyon nila dahil sa bayarin sa bahay at lupa. Iisang kumpanya po kami ng tatay ko, taong 1997 ng mapasok ako ron ng dahil sa kaniya at aminado ako na utang na loob ko sa kaniya ‘yun pero tinapatan ko po ang utang ko na ‘yun sa pamamagitan ng pagpapatuloy na pagsusustento sa kanila kahit na nakabukod at nagka-pamilya nako. At hanggang taong 2012 na mangyari ang matinding problema namin sa kumpanya na nagkaroon ng bayaran at boluntaryong pagre-retiro ng empleyado. Naramdaman ko po na wala ng mangyayari sa kumpanya kaya nagpabayad na lang po ako at nag-boluntaryo ng pagre-retiro. GOD is good po all the time Atty. na sa pagre-retiro ko sa kumpanya ay nakaalis pa po ako ng bansa sa edad ko na 38. Makalipas ang 4 na buwan, taong 2012 buwan ng Hunyo ng ako’y nagpabayad sa kumpanya ay nagsara po ang kumpanya. Kaya ang lahat po ng empleyado roon ay walang nagawa kung hindi ang tanggapin ang bayad sa kanila. Sa madali’t sabi, binayaran din po ang tatay ko. Sa natanggap po niya na bayad sa kumpanya ay nagbigay siya ng partial payment sa bahay at lupa namin na ng mga panahong iyon ay nasa Balikatan Lending Services Inc. na. Nang makauwi po ako ng Pinas buwan ng Disyembre taong 2012 ay nabalitaan ko sa Nanay ko na hindi binayaran ng buo ng tatay ko ang bahay namin at nag-iwan pa ng P99,000.00. Hindi ko po masyado binigyan ng atensiyon ang balanse na ‘yun na sa akala ko ay hindi naman mabilis na lolobo. Lumipas po ang isang taong mahigit at pinalakad ko po sa Nanay ko at kapatid ang balanse ng bahay at lupa namin sa BLSInc. at napag-alaman ko po na nasa P200,000.00 mahigit na pumalo ang balanse nito. Kaya’t sinabi ko po ito sa misis ko na gusto kong isalba ang bahay at lupa namin at naintindihan naman niya ako. Kaybuti po talaga ng Diyos na sa kalagitnaan ng taong 2014 buwan ng Hulyo ay niloob Niya na mabayaran ko po ang balanseng ‘iyon na umabot na sa P215,000.00 kaya’t masasabi ko po na napagtagumpayan po namin ang bahay na iyon. Sa kabila nito, patuloy po ang kalungkutan ng Nanay ko sa tinamo niyang depresyon sa paghihiwalay nila ng tatay ko sa hindi niya matanggap na pangyayari. Ang ginawa po niyang outlet ay magsaya sa pamamagitan na walang humpay na pag-iinom hanggang sa parehong taon ng 2014 ay na-diagnosed siya na may DM II or Diabetes Mellitus Type 2, naglabas pasok po siya ng hospital ng taong iyon at hanggang buwan ng Disyembre ay tuluyan ng nasira ang kaniyang kidney at na-diagnosed siya ng CKD Stage 5. Sinabi po ng kaniyang doktor na ang huling paraan na lang ay sa pamamagitan ng dialysis. Hindi man maganda sa pandinig namin ang suhestiyon ng kaniyang doktor ay isinangguni ko po ito sa aking Nanay na inayunan narin naman niya. Taong 2015 buwan ng Nobyembre, ay nagbalik bansa po ako at sa taong din yan na paulit-ulit nao-ospital ang Nanay ko hanggang buwan ng Pebrero ng sumunod na taon ay tuluyan na siyang dinayalisis. Alam niyo po, nito lang taong 2017 buwan ng Pebrero bumigay ang Nanay ko at habang sinusulat ko po ito ay nagbalik sakin ang sakit na mawalan ng Nanay. Atty. eto na po ang problema ko, na sa kabila ng pagluluksa kong ito ay nakarating sa akin ang balita mula sa asawa ko na pinaplano raw ibenta ng magaling kong tatay ang nasabing bahay at lupa namin na kung tutuusin ay wala na siyang pakialam dahil sa matagal na niyang inabandona ang sambahayan ko. Ang mabigat pa nito Atty. lumisan ang Nanay ko sa mundong ito na masama loob dahil sa idinulot ng magaling kong tatay dahil nagkaanak siya ron sa babae niya. Nanahimik kami ron at pikit-mata na lang na nagwalang-kibo kami sa lahat ng mga nangyari pero sa pagkakataong ito na plano niyang ibenta ang bahay at lupa namin ay idinudulog ko po ito sa inyong butihing tanggapan kung ano po ang maipapayo niyo sa akin at sana po matulungan niyo ako sa problema kong ito kung ano po makatwiran at makatarungang gawin para sa mga ganid na katulad ng taong iyon. Umaasa po ako sa inyong tugon at maghihintay.
    Maraming salamat po at Pagpalain po kayo ng ating Poong Maykapal.

    Umaasa,

    Benjie

  27. dear atty tanung ko lang po panu kung yung panganay na kaptid ay ksama sa bahay ng mahulang pati bunso ay ksma..pero yung bahay n yun ay s bunso ibinigy nung mgulang pero ayw umalis ng panganay..may ktpatan po b xia khit hindi s knya ibingy yng bahay at lupa

  28. Hello po Atty. Ako si Leony Felaire more than 30 yrs na dito sa Switzerland. normally po 30yrs na rin dito ang ate Fely ko kaso po umuwi sya dyan sa Pinas bale 3yrs na. Mulat sapol po 3 dekada na sya ang nagpagawa ng bahay namin sa Tondo at may bahay at lupa din sya sa Narvacan, Last Oct. 23 po ay namatay sya sa heart attack at ginastusan ko lahat nagpadala ako sa ate naming panganay para sa lahat funeral, kabaong lahat lahat panggrocery at ambulance galing Ilocos thru Manila at pabalik sa Ilocos dahil ayaw iburol ng Nanay namin sa bahay sa Tondo….then naiayos na po ang lahat at ready ng alis sa manila kaso ang nanay at brother Jose namin eh nagwala na sa Narvacan iuwi ang bangkay sa bahay ni Jose, wala pong nagawa ang ibang kapatid namin dahil naghariaharian na si Jose, ang masakit po ay ako ang gumastos dahil gusto ko lang mailibing ng maayos ang ate ko…7 po kaming magkakapatid at ako po ang bunso sa lahat at sinundan ko si ate Fely na patay na sa ngayon….Ayon po nadissappointed po ako kay sabi ko ni kusing wala na akong ipapadala dahil kinuha nila ang bangkay dahil po kilala namin na si Jose or (Boy) ay mukhang pera mulat sapul pa noon, ngayon po binabalak po nyang ibenta ang mga ariarian ng ate Fely ko sa Narvacan kahit wala silang titulo at may mga interesado daw bumili kasi ibibigay nya ng maliit na halaga dahil ang reason nya sa pagpapalibing daw sa ate Fely ko at isa pa ang Nanay ko ay panig sa kanya….paano po yon eh ang isa po naming kapatid doon pinatira ng ate Fely dahil mahirap silang magpamilya….At yang pong Jose Boy ay gusto nyang withdrawhin yong bank ng ate Fely ko at umaasa yang Jose Boy na may makukuhang milyones dito sa Switzerland….eh ang patakaran po ng Swiss dito ay kung may anak si ate Fely ay yon lang ang babayaran nila….at ang sabi po ng Swiss na ireport lang ang death certificate at swiss passport sa swiss embassy para mairegisterd si ate Fely dito sa Swiss na patay na po…..Kung sa akin po mas gugustuhin ko pang mapunta sa Bank at Gobyerno ang lahat ng pera at ariarian ng ate Fely ko dahil pinagpaguran nya yan ng matagal na panahon at namatay syang maraming hinanakit, sama ng loob, dissappointment, galit, umiiyak dahil 7 months before ay umalis sya sa bahay sa tondo para hindi sila laging nag aaway at hindi na sya ipabugbog ni Nanay kaya lumipat si ate sa kabitbahay kahit masakit dahil sya ang nagpatayo ng bahay tapos sya ang mangungupahan ng maliit na kwarto sa kapitbahay at now doon sya namatay at now si nanay at si kuya Boy ay gustong kamkamin lahat ang ariarian ni ate Fely….humihingi po ako ng payo dahil sa ngayon po gusto nilang ibenta ang mga ariarian ng ate fely…..wala na po akong pakialam kaso po may mga 4 pa pong mga kapatid ko doon at yong isa ay pinatira ni ate fely eh paano po kung ibenta na saan po tutuloy yong isa naming kapatid at mga anak nya…..sana naman po maging fair sila……umaasa po akong masagot nyo itong sulat ko tuliro na po ako ayaw ko na sanang makialam sa Pinas but gusto ko lang po na patas sila Nanay at Boy……Salamat po: Leony…here in Switzerland

  29. Dear Atty.
    Tanong ko lang po pwede ba maibenta ang isang titulo kahit dalawa lang ang pipirma sa deed of sale? Sa tatlo po kz nakapangalan ang titulo. Salamat

  30. Dear Atty.
    Tanong ko lang po pwede ba ibenta ang isang titulo kahit dalawa lang ang pumirma sa deed of sale? Nakapangalan po ang titulo sa tatlo .

  31. Hi po medyo complicated po pasensya po yung aking tyahin ay nag asawa at ngayon siya namatay na ngayon yung bahay ng aking lola ay inaangkin ng asawa niya meron po ba siyang parte? Dahil yung sa tatay ko ay nakuha na niya.

  32. Atty magandang gabi po. Ang tanong ko lang po kung pwede po pakialaman ng anak ang upa sa mga apartment na ipinamana na ng aming ina at may titulo na rin po na nakapangalan sa amin kc lagi po sinasabi ng aming ina na wala pa rin kaming karapatan na kunin yung upa sa mga apartment kasi buhay pa daw sya. Kaya naman po namin tinanggal ang karapatan sa ina namin na sya ang kumuha ng upa sa apartment kasi nauubos po ang pera ng hindi namin alam kung saan nya ginagastos ang pera at ayaw nyang sabihin.

  33. eto po ang prob ko . pano po kung may asawa ang kuya ko na namatay siya po ang may ari ng bahay ngunit hndi po sila kasal at wala pang 10 taon nagsasama . at may anak sila ngunit ampon lang ito at pamangkin pa ng asawa ng kuya ko inampon nila at lahat po ng ari arian ng kuya ko busines at sasakyan nasakanila napo . ang tanging bahay lang g kuya ko ang gusto namin makuha dahil galing pa yun sa pinagbentahan ng bahay ng magulang namin upang may pang busines sila mag asawa ngunit sa kuya ko po ipinangalan nalulungkot lang po ako kase wala po kami nakuha lahat magkakapatid na parte sa pagbenta ng bahay ng magulang namen . sinolo lang nila at ngayun ung bahay na nabili ng kuya ko na namatay ay gusto namin makuha kahit hndi na po ang mga busines at sasakyan nila . bahay lang po kase dun naman knuha yun ng kuya ko ung pnambili nun sa dating bahay ng magulang namin sakanya lang nya pnangalan . tanong lang po kung may laban po ba kami sa asawa ng namatay namin na kuya kase gusto nya po makuha lahat lahat sa amin . wala napo kami mapupuntahan .dahil yung kuya ko namatay dun sa bahay na yun na kami pinatira mula n ng binili yun at hndi napunta asawa niya dun gsto nya lang makuha yung bahay ngayon para ibenta at idagdag sa business nya . ano po ang dapat kong gawin . ako po ang pnakabunso sa amin magkakapatid . hndi naman po sila kasal at wala pa 10years nagsama . may karapatan din po ba kami . paki sagot po salamat po ..

  34. magandang buhay po Atty. Acosta;
    Ganito po ang sitwasyon: yung lupa po ay nakapangalan parin sa mga lolo’t lola ng asawa ko. May mga anak pong naiwan at matatatanda na at yung iba ay namatay subalit may mga naiwang pamilya, may kasal at hindi kasal pero yung magulang ng asawa ko ay kasal pero bago po namatay ang father-in-law ko ay binigyan nya po ako ng SPA para sa anumang aasikasuhin para sa parte nya. May karapatan po ba kaming umapila para makuha ang tamang sukat. Kasi po pinagkakaisahan kami kesyo sila daw yung unang tumira at naghahari-harian. Bigyan nyo po ko sana ng advice kung anong hakbang dapat ang tama ko pong gawin.
    Maghihintay at umaasa po ako na matugunan at matulungan ninyo po sana ako.
    Maraming salamat po.

  35. Magandang araw po, nakapagpundar po ang aking magulang ng bahay sa pamamagitan sa pagsisipag ng aking nanay, ngunit ang aking tatay ay nambabae at nilulustay ang pera ng aking nanay, namatay po ang aking nanay sa sama ng loob dahil narin sa pambabae ng akin tatay, nung makalipas ang isang taon itinira ng aking tatay ang babae nya, ngunit ang aming bunsong kapatid ay nakatira parin sa bahay ng aking magulang dahil walang bahay ang ming bunsong kapatid, ngunit lagi sinasabi ng aking tatay na ibebenta nya ang bahay at magsasama sila ng babae nya, kawawa po ang aming bunso dahil bago mamatay si nanay ibinilin lang sa salita na sa bunso nmin mapunta ang bahay at lupa.. may karapatan po ba ang mga anak na tumutol o magreklamo sa aming tatay? Anim po kami na tutol na ibenta ang bahay dahil nakalaan ito sa aming bunsong kapatid! Salamat po

  36. magandang araw po.nais lang po nming malaman kung pano ang hatian ng lupang naiwan ng nanay at tatay ko. Apat po kaming magkakapatid, ako nlng po ang buhay. ngaun my dalawang hipag po akong nagnanais na magkaroon ng malaking parte ng lupa. Ung isa hindi kasal sa kapatid ko pero my anak sila. Ung isa nman po kasal sa isa ko pang kapatid. Ano po bang dapat kong gawin? At pano po ang hatian nmin sa lupa?
    maraming salamat po.

  37. Dear atty Costa .ako po ay nalilito gusto ko po kaze ng malamn kung may valid po ba ang iniwan n kasulatan ng aking mga magulang tungkol po ito sa aming bahy at lupa n nakasaad po dito n binibili ko po ang bahy sa halagang 50 twasnd pesos noong 1991 …at ito po ay may prima ng aking mga magulang at dalawang testigo at Naka notarized pa po ito galing sa city hall ..kaso po patay npo yung attorney n gumawa at yung isang testigo…pinakita ko po ito sa aking mga kapatid sapagkat n tatakot po ako n baka malito muli yung ginawa nila sa akin n ibeninta po nila ang 100sq ng aming bahy .n hindi ko po n alalayan ..nlaman ko po ito ng matapos n nilang partihin ang pera ..attorney ang gusto ko pong malamn kung may karapatan po b akong ipag Laban yung binigay sa akin ng aking magulang na nakakasasaad po doon ay binili ko po sana po matulongn ninyo ako ..kz po malapit n pong masira yung kasulatan ..
    Nakikiusap
    Teresa

  38. Dear Atty Acosta

    Ano po ang effect ng last will na notarised ng notary public pero ayaw mong tanggapin ng mga iba pang tagapagmana dahil di daw pirma ng magulang na nagpamana.

    Di po ba pag notarised & nakalagay sa testament na personally appeared, with name , res cert issued, at & date, known to me to be the same person who executed the foregoing instrument she acknowledged to me that the same is her true & voluntary act & deed” pinapatuyan na sya mismo ang personal na me gusto ng nakasaad sa notarised document.

    Salamat po sa payo nyo

  39. dear Atty Acosta.

    ang lola ko po ay anmay lupa na titulado na pinamana nya sa nanay ko noong 1991.. na may last will at testament…. napatituluhan na rin po ito ng lola ko sa pangalan ng nanay ko.. pero sila po ay 3 magkakapatid na buhay pa nuong panahon ng paglipat nya ng titulo……namatay po ang lola ko 1994.. ngayon po naghahabol po ang mga pinsan ko na anak ng tyahin ko na nakatirik ang bahay nila sa lupa ng lola ko na pinamana sa nanay ko.. wala daw kami karapatan na angkinin at bawiin ang lupa na kinatitirikan ng bahay ng mga pinsan ko…

  40. atty pano po kung yung tatay lang po ang namatay at yung anak ayaw po ibenta yung bahay at lupa kasi pera po iyan mabilis maubos unlike pag may bahay ka alam mo na nasafe ka may habol po ba yung anak maraming salamat po

    • Atty, gsto ko lang po malaman kng anu po ang karapatan nmin mgkakapatid sa lupa ng aming namayapang ama.hndi kasal ang aking magulang at 6 kmi mgkakapatid.ata ang papa ko po ang bunso sa 8 mgkakapatid n ngaun ay 4 nlang silang buhay n mgkakapatid.ngaun gsto nila kmi palayasin sa bhay ng aking ama dhl wla dw kmi kaparatn gayung bgo mamatay ang papa ko eh cnbi nia smin na ipaglaban nmn ang pra smin..gsto q po mlaman ang habol nmn sa lupa pra malaman po nmn kng anu b tlga ang karapatan nmn mgkakapatid.salamat po.

Leave a Reply

Your email address will not be published.

This site uses Akismet to reduce spam. Learn how your comment data is processed.