AGA MUHLACH IS paired with Angel Locsin in a new movie under Star Cinema. Ito ang unang pagkakataon na magkakasama sa isang pelikula sina Aga at Angel. Lumipad sila kamakailan patungong Japan kasama si Direk Olive Lamasan para kunan ang ilang mahahalagang eksena sa pelikula.
Sa kanilang pag-uwi sa bansa, baon nila ang mga magagandang alaala ng kanilang mga naging karanasan sa Japan. Ayon kay Aga, “Mahirap talaga, kasi summer ngayon. Napakainit talaga. We were trying to shoot the scenes sa labas, mga exteriors, so nasa kalye kami the whole time. Ang mga tulog namin doon paunti-unti lang.”
Dagdag ni Angel, “Pagod talaga kung pagod. Lakad ka, paltos-paltos ‘yung paa mo, pero tiniis mo ‘yun lahat, kasi alam mong nagtitiis din si Inang (Direk Olive), si Kuya Aga… kahit pawis-pawis na, game na game talaga. Ang hirap lang talaga sa Japan. Minsan, one shot kailangan mong ma-perfect. Pumunta kami ng Mount Fuji. Napakaganda pala roon. Sabi nga nila, ‘yung nakunan namin, bihira lang ‘yung Mount Fuji na ganoon ka-visible.”
Nag-bonding talaga sina Angel at Aga while shooting the movie dahil six consecutive days silang magkasama. “Halos magkasawaan na kami. Six days kaming laging magkasama, laging magkausap. Sabi niya (Aga) sa akin, ‘Gel, wala kang choice. Magkakasawaan tayo ng mukha rito.’ Pero masaya. Iba ‘yung passion ni Mr. Aga Muhlach sa trabaho niya, walang kupas,” sabi ni Angel. On his part, Aga has only good words for Angel because she loves her work.
Hindi pa rin kumukupas ang kaguwapuhan ni Aga. He looks eternally young at hindi nabago ng panahon ang boyish look niya. Kaya naman kahit sa mga young actresses, puwede siyang i-pair gaya nina Angel, Anne Curtis (When Love Begins), Angelica Panganiban (A Love Story), Claudine Barretto (Dubai) and Kristine Hermosa (All My Life).
Looks like we are seeing more of Aga both on television and in the movies. He has a television show M3 (Malay Mo Madevelop) with Ai Ai delas Alas on ABS-CBN.
Kung first time ni Angel na makatambal si Aga sa pelikula, si John Lloyd Cruz naman ay una niyang makakasama sa kanyang upcoming ABS-CBN primetime teleserye titled Imortal.
Kaibigan, usap tayo muli!
Points of Boy
by Boy Abunda
