4 Members of Philippine Azkals, involved in a gang rape?

MAINIT NA PINAG-UUSAPAN ngayon ang diumano’y isyung gang rape ng Team Azkals sa pamumuno  nina Simon Greatwich, Neil Etheridge, Jason Sabio at Anton del Rosario, kung saan ang panghahalay ng grupo ay naganap daw sa bahay ng kanilang ma-nager na si Dan Palami.

Base sa balitang naglalabasan, ito raw si Jason ang may hawak ng kamera habang sina Neil at Simon ang lumalapastangan sa babae samantalang si Anton naman ang sinasabing utak ng panggagahasa sa isang magandang Filipina na fan ng koponan. At dahil dito, mainit na pinag-uusapan ngayon ang grupo ni Phil Younghusband na nakatakdang magtungo sa Bahrain sa Friday upang mag-ensayo bilang paghahanda sa nalalapit nilang laban sa July 23 sa Kuwait.

Ang nasabing isyu ay nagmula sa nagngangalang Paul Weiler.  Ayon sa kanya, siya ay dating consultant ng Phi-lippine Football Association, kung saan ay nagsabing ang ginawa niyang pagbubunyag ay hindi paninira sa grupo ng Azkals kundi pinag-iingat niya ang publiko sa posible pang krimen na gawin ng nasabing sikat na football team. At dahil dito, nagbigay na ng pahayag ang mga inakusahan na sina Simon, Neil, Jason at Anton na pawang itinanggi ang nasabing akusasyon.

Sa kabilang banda, tipid na nagbigay daw ng pahayag si Phil Younghusband sa isyu. Ayon u-mano sa binata, hindi siya naniniwalang magagawa ng kanyang grupo ang manghalay sa isang babae. Hindi pa raw niya napapanood ang kontrobersiyal na video tape, kung totoong meron man. Kaya wala siyang solidong komentong masasabi sa umuusok ngayong isyu.

Gayunman kung totoo umanong sangkot ang kanyang mga kaibigan sa nasabing usapin, dapat lang na ang mga ito ay panagutin kapag napatunayang nagkasala. Pero sa ngayon, nakapokus daw ang atensiyon ni Phil sa nalalapit nilang laban sa Kuwait at siyempre pa sa kanyang darling na si Angel Locsin.

SA TOTOO LANG, inamin ni Angel Locsin na dumalaw siya sa rehersal ng Team Azkals kamakailan. Hindi rin itinanggi ng aktres na masaya sila ni Phil sa isa’t isa kapag magkasama. Napangiti lang din ang dalaga sa diumano’y nakunang video nila ni Phil na naghahalikan. Ayon kay Angel wala siyang nakikitang masama kung maging close sila ni Phil sa isa’t isa.

Paano naman kasi, napakadali raw pakisamahan si Phil Younghusband bukod pa sa napakagandang ugali nito. Ang pagiging maalalahanin, ang pagiging masiyahin at higit sa lahat ay ang pagiging totoo sa sarili at sa kapwa, na ilan lang sa mga kata-ngiang higit na hinangaan ng aktres sa sportsman. Sabi pa nga ni Angel, wala siyang nakikitang masamang dahilan upang maging mailap siya sa binata.

Pero habang patuloy na nagiging maamong tupa si Angel kay Phil, tila naman nagiging higit na mailap ang dalaga sa usaping Luis Manzano at umaangil ito na parang mabangis na leon. Ni ayaw niyang magbigay-komento hinggil sa relasyong Luis at Jennylyn Mercado.

Pakiusap ng dalaga, kung anuman daw ang namagitan noon sa kanila ng binata ni Governor Vilma Santos, saradong aklat na iyon at hindi na magiging maganda kung muli pang babalikan. Past is past! Na ang ibig sabihin ay tuluyang tinuldukan na niya ang naunsiyaming pagmamahalan nila ni Mr. Manzano.

At heto pa ang latest tsika. Kahapon daw, nakitang magkasama sina Angel at Phil ng ating source  sa isang restaurant sa Quezon City, kung saan ay napaka-sweet ng dalawa na obvious na sila na!

More Luck
by Morly Alinio

Previous articleAfter Cristine Reyes, Sarah Geronimo is reconciling with John Lloyd Cruz
Next articleAngel Locsin and Phil Younghusband, enjoying each other’s company

No posts to display